【冬至缸糖】

缸糖,因為會放係缸入面,要幾多買幾多,所以就叫缸糖。缸糖係增城特產,又叫純蔗糖、黑片糖,依家大多係包好一袋袋賣,蔗味比普通片糖要重。冬至可以用嚟整糖水,或者包入湯圓裏面,重溫一下以前嘅味道。朋友比咗啲我,係旭輝行可以搵得到,個缸應該仲係度。我煮咗一部分,有部分送咗比照顧者。 缸糖安納芋湯圓配豆乳(2-3位用)材料:缸糖(可用片糖代替) 15克(約1/4塊)安納芋 30克(約1/3個)特濃豆乳 250毫升糯米粉 50克水 45毫升 做法:1. 安納芋洗淨,蒸或焗25分鐘,至熟,待涼2. 缸糖弄成小顆粒,備用3. 安納芋去皮,壓成茸,備用4. 糯米粉與水混和,搞拌成粉團後,可用手搓揉壓緊5. 將粉團分成湯圓大小,搓圓,用手指按壓中央至凹陷6. 取小量安納芋茸,包裹缸糖顆粒7. 再將安納芋糖餡包入粉團之中,搓圓放碟,待煮8. 放水於煲內煮滾,放入湯圓,待浮起即可9. 將特濃豆乳放於另一煲內加熱至微滾,與湯圓一同分於碗中 註:1. 這煮法較為清淡,可於特濃豆乳中加入缸糖,提升甜味2. 剩餘的安納芋,可加入豆乳中,一同食用